صوت القدر (قصة كويتيه روعه)

انشاء اللة تعجبكم



(الجزء الأول)



الامتحانات النهائية قربت و الطلبة و الطالبات عطلوا عشان يدرسون..طبعا امتحانات الجامعه مو بس تنرفز الواحد..اطلعله شيب بعد..

عبير: افففف و الله زهقت من هالمقرر!! يانااس شسوي
كالعاده عبير تقعد تتحلطم و اتكلم عمرها و اهي قاعده تدرس. عبير بنت من قبيلة معروفه و عايلة محترمه لها ثقلها في الديرة..عمرها 20 سنه تدرس حقوق (صج الله يعينها) اهي أصغر وحده في عايلتها و البنت الوحيده..الدلوعه طبعا..عندها ثلاث اخوان اكبر منها..جراح 25 سعود 24 و بدر 22 ..ابوها كل مسافر بحكم شغله بس يعنيلها الدنيا بكبرها..و امها اهي امها و اختها و رفيجتها و علاقتها فيها وايد وايد وايد كلوز.. عبير عندها رفيجة عزيزة وغا لية على قلبها واايد و تعتربها اكثر من اختها و تعرفها سنين اسمها هدى.. هدى و عبير يدرسون نفس التحصص. و مع هدى عبير تعرفت على بنية صارت رفيجتهم و مقربه لهم اسمها سعاد .. يعني الثلاثة مكونين ثلاثي مرح كل مع بعض في الكلية و برة الكلية يتيمعون..

ضربات على الباب..
عبير: لحد يحاجيني لاني واصلة حدي" صرخت عبير من ورى الباب..
بدر: اها يعني ماتبين اتين السينما وياينا..اوكي خلالص
رد عليها طارق الباب الي اهو بدر اخو عبير. طبعا السينما اهو المكان المفضل عند عبير ونقطة ضعفها .. فزت عبير من سريرها و سكرة كتبها و بطلت الباب.
عبير: بدر ...عن الملاقة الحين ابدل و ايي
عبير قالت بكل دلع..هذا سلاح عبير..تقص على امها و ابوها واخوانها بدلعها..
بدر: عندج ربع ساعة بس..و بحرك
بدر قال و اهو ماشي..تذكر شي و التفت على عبير
بدر: عبورة ترى خالتي روان بتيي وسعود هم بايي ويانيه
نزل بدر تحت و خلا عبير مبطوط جبدها من هالخبر
عبير: افففففف هالخالة محسوبه علينا..الحين بتقعد تتفلسف على راسي و انا صج مالي خلق لها
عبير اقعدت تتحلطم و اهي اتبدل هدومها..
الخالة روان اكبرمن عبير بس بسنه و تغار من عبير بصورة مو طبيعية.. عبير تتميز بجمالها الهادي و بشرتها الحنطية الناعمة و شعرها الاسود الطويل عكس خالتها الي اشوي ملامحها حاده و بشرتها فاتحة مايلة للاحمرار..روان مو جيكرة بالعكس..حلوه بس ثقتها بنفسها واصلة الزيرو.. وكله تنافس عبير و تحاول تتطلع احلى منها..

في الطابق الارضي...
أم جراح: والله يا بدر طلعتلنا طلعة بهالسينما...تدري ان اختك عندها امتحانات اشحقة تتلقف و اتقولها ؟
ام جراح الي اهي ام عبير حريصة حيل على دراسة عبير خصوصا انها تتمنى اتشوف اليوم الي تتخرج فيه عبير و اتصير محامية كبيرة..
بدر: يا يمه انا بالعمالة قلت بطلعها..شفتي شكلها؟ البنية بتموت من كثر ماهي مجابلة الكتب!
ام جراح: وي اسمله على بنيتي الله يحفظها و يحميها ان شاء الله..
بدر: يمه ليش اخترعتي ؟ والله حاله الواحد يسوي خير و يقطة بحر
في هذي اللحظة تدخل روان باخر شياكه و ميكب مال عروس
و تسلم على الي قاعدين..بدر توه ببطل حلجة
والا روان اتجببه
روان: محد له شغل فيني ان شاء الله اطلع امفصخه!
ام جراح: روانوو و يهد! ليلحين مامتنا عشان تتصرفين على كيفج
روان: امي وابوي ماتوا و ماعندي اخوان
روان تكلمت بتكبر ولا مبالاه
بدر: عندج اختج وعيالها ريايل مو تارسين عينج!
بدر قال بعصبية
روان: هيي! هيي! لا تنسى اني خالتك و مالك حق تحاجيني جذي
بدر: لي حق امنعج من الغلط! المكياج هذا مسحيه كله لانج منتي راكبه السيارة جذي و لا طالعة برة جذي فهمتي؟
روان: منيره كلمي ولدج ادبيه!
ام جراح: ولدي ماقال شي غلط..ويالله روحي مسحي الي بويهج هذا امر مني
روان: انتوا تكرهوني!!! انا ادري لاني عالة عليكم في البيت !
تروح روان الحمام و تمسح مكياجها الي اخطلط بدموعها..
ام جراح: افف كل يوم نفس الموال..بروح اكلمها
تروح ام جراح ورارها و تحاجيها و تراضيها..ميزة روان انها بسرعة ترضى و تستانس لما احد يهتم فيها
في هذي اللحظة تدخل عبير الصالة بعبايتها و شيلتها..كل المكياج الي حاطته على ويها اهو كحل داخل العين و مرطب شفايف.. طبعا جمالها طبيعي ماتحتاج الوان قوس قزح عشان غصب اطلع نفسها حلوه.
عبير: شهالصراخ واللوية؟ شالسالفة؟
بدر: خالتج ما تعرفينها يعني..مادري اشتبي تسوي
عبير: الله يهديها..ياربي متى تتزوج وافتك قصدي نفتك منها...المهم وين سعود؟
وفي هذي اللحظة يدش سعود بنسفة كشخة ودشداشة اخر شياكه.. سعود عكس بدر مايلبس بدل وجينزات كلش..وكل مغتر لكن بدر سبور اكثر و كل جينزات و سشوار و كشة و جل و حاله.
بدر: جان طالبة مليون دينار
سعود: يالله شباب ترى اهون
عبير: لا يمعود!..ماصدقت اطلع من الجحيم الي انا فيه
روان تدخل الصالة وويها ماعليه نتفة مكياج
روان: ارتحتوا؟
بدر: اي جذي خالتي حلوه بطبيعتها..مو مهرج نفس مساعه!
روان اكتفت بنظرة حاده حق ولد اختها
سعود: يالله انا ماشي
عبير : وانا وراك
يطلعون الشله السيارة بضحكهم وسوالفهم..


في الطريج....
سعود مشغل الراديو و حاط على برنامج يتكلمون فيه عن مشاكل اجتماعية ..والمذيع مال البرنامج شاب عنده شهادة علم اجتماع..اسم هالشاب عمر..
كان اليوم يتكلم عن علاقة الصداقة واهميتها.
عبير: انا اقدس شي اسمه صداقة
بدر: عاد انتي عند رفيجتج تنسين اهلج
عبير تضحك
عبير: تغااااااار؟
سعود: ليش اهو ريلج عشان يغار
بدر: شالسؤال البايخ..لا يبا ما اغار بس تنبط جبدي ساعات..جان زين تعطينه من وقتج مثل ماتعطين رفيجتج
عبير: اها يعني تغار؟

سعود قام يضحك
بدر: الحمدلله والشكر بس
عبير: لو سمحتو ابي اسمع الريال
بدر بعصبية: اي ريال؟
عبير: بسم الله الرحمن الرحيم! اي رياال يعني؟ هذا مال البرنامج..واااااااااااي
بدر:اييييييييي


في المجمع
راح سعود يشتري تذاكر حق الفلم الي بدشونه...كانت عبير و يا بدر و روان في الكوفي شوب
كان بدر يطالع الاشكال الغريبة الموجوده في الكوفي شوب
بدر: شهالاشكال المصخرة؟
عبير: لا تخز فبنات خلق الله مالك شغل فيهم
بدر: والله المخلوقات الفضائية هذيله غصبن عني يخلوني اطالع...ويييييع والله قلة ادب و قلة عقل
روان: بالعكس كشخه
بدر: اي كشخه قصدح مصخره
روان تعطي بدر نظرة استهزاء: تخلف
عبير و بدر اختاروا انهم مايتكلمون عشان ماطولها عبير واهي قصيرة

عبير فجأة تلمح شخصين قاعدين ويا بعض او لازقين يم بعض بمعنى اصح...الويه ما كان غريب عليها..ركزت بالنظر و اشهقت لما شافت ملامح البنت الي قاعده ويا واحد



منو هالبنت وليش اشهقت عبير؟

منقول

تسلم
على المرور